Музей гарэлкі адкрыецца ў Мінску
Ён размесціцца ў сталіцы на вуліцы Леніна на месцы старых пабудоваў заводу “Крышталь”.
Мяркуецца, што там узвядуць 6-8-павярховыя будынкі з арачнымі праёмамі, стылізаваныя пад вінныя склепы. На ніжніх паверхах размясціцца новая фірмовая крама “Крышталя”, пабы, музей вытворчасці гарэлкі.
На тэрыторыі завода знаходзіцца корпус, узведзены яшчэ ў XІХ стагоддзі, а таксама некалькі больш сучасных будынкаў. Помнік гісторыі плануюць рэстаўраваць, а карпусы вакол яго апрануць у шкляныя вітражы з люстэркавым эфектам, перадае агенцтва “Мінск-Навіны”.
