Мост з расколінай над Прыпяццю рыхтуюць да выбуху (фота)
Мост праз Прыпяць паміж Туравам і Жыткавічамі. у якім выявілі расколіну, падрыхтавалі да выбуху, паведамляе БЕЛТА. Выбух прызначаны на 25 траўня.
Прыпяць накіравалі ў іншае рэчышча, пад мостам насыпалі спецыяльную пляцоўку для абломкаў падарванай бэлькі.
Цяпер будаўнічую тэхніку адводзяць у бяспечнае месца, а супрацоўнікі МНС пачалі закладаць выбухоўку па ўсёй даўжыні расколатай бэлькі.
Нагадаем, што расколіну ў мосце заўважылі ў снежні 2017 года. Пасля гэтага яго закрылі для аўтатранспарту, а потым і для пешаходаў.
