Вы тут

Мост у Гродне, які не адкрыў Лукашэнка, адрамантуюць за два тыдні

Усходні мост у Гродне / кадр з відэа

Усходні мост праз Нёман у Гродне плануюць аднавіць за два тыдні — да пачатку жніўня. Тады ж па ім пойдзе транспарт, заяўляюць у тэлерадыёкампаніі "Гродна".

Паведамляецца, што мост прайшоў неабходныя выпрабаванні і гатовы да эксплуатацыі. Але цяпер на ім працуе спецыяльная тэхніка.

Як распавядала Еўрарадыё, Усходні мост у Гродне планавалі адкрыць з удзелам Лукашэнкі. І ўжо двойчы гэтай падзеі перашкаджала стыхія. На пачатку ліпеня моцная залева прывяла да разбурэння грунту каля моста. Потым гэтая ж гісторыя паўтарылася 17 ліпеня. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.