"Мост цэлы?" — жыхары Керчы ў анэксаваным Крыме паведамляюць пра выбухі
![Керчанскі мост, ілюстрацыйнае фота](/sites/default/files/styles/gallery_main/public/2024-05/bridge_30_05.jpg.webp?itok=6YIFS4Qm)
Керчанскі мост, ілюстрацыйнае фота / Reuters
Жыхары Керчы ў анэксаваным Крыме паведамлялі ўначы пра серыю выбухаў. Рэсурс Astra публікуе перапіску з мясцовага пабліка, дзе людзі пішуць, што "першы раз так моцна страшна стала". Яшчэ адзін удзельнік чата задаецца пытаннем: "Мост цэлы? Так грукацела, што бяруць сумневы". Рух па Керчанскім мосце сапраўды на час перакрывалі, але пазней ён быў адноўлены.
Прадстаўнік мясцовых уладаў Алег Кручкоў заявіў у сацсетках, што "падчас адбіцця варожай атакі па аб'ектах транспартнай інфраструктуры горада Керч ад абломкаў збітых ракет пацярпелі два паромы — аўтамабільны і чыгуначны". Паводле яго, пашкоджанае шкленне надбудоў. Ахвяр няма. Пасля ацэнкі пашкоджанняў праца паромнай пераправы, дадаў ён, будзе адноўленая.
Паводле звестак расійскага Мінабароны, над акваторыяй Азоўскага мора мінулай ноччу былі знішчаныя 8 ракет ATACMS, а над акваторыяй Чорнага мора перахопленыя 8 беспілотнікаў. Акрамя таксама ў Чорным моры былі "знішчаныя два безэкіпажныя катэры, якія рухаліся ў кірунку Крымскага паўвострава".
Ракетную атаку мінулай ноччу перажылі і жыхары некалькіх украінскіх гарадоў. Толькі па Харкаву і вобласці расіяне выпусцілі мінулай ноччу восем ракет, паведамляе кіраўнік Харкаўскай абласной ваеннай адміністрацыі Алег Сінегубаў. Па словах мэра Харкава Ігар Церахава, быў удар па адным з аб'ектаў крытычнай інфраструктуры. Вядома пра чатырох пацярпелых.
!["Мост цел?" — жители Керчи в аннексированном Крыму сообщают о взрывах](/sites/default/files/styles/default_image_paragraph/public/paragraphs/image/ukr_30_05_2.jpg.webp?itok=ATrMdie6)
!["Мост цел?" — жители Керчи в аннексированном Крыму сообщают о взрывах](/sites/default/files/styles/default_image_paragraph/public/paragraphs/image/ukr_30_05.jpg.webp?itok=FzTsTsVp)
!["Мост цел?" — жители Керчи в аннексированном Крыму сообщают о взрывах](/sites/default/files/styles/default_image_paragraph/public/paragraphs/image/ukr_30_05_3.jpg.webp?itok=qubhRkMx)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.