"МЛ Віцебск" разграміў навічка Вышэйшай лігі, мінскае "Дынама" працягвае лідзіраваць
Сталічнае "Дынама" працягвае ісці без параз / "Динамо-Минск"
9, 10 і 11 красавіка адбыліся матчы трэцяга тура ў Вышэйшай лізе. Тур атрымаўся насычаным на падзеі, але пры гэтым стаў антырэкордным па сярэдняй наведвальнасці з кастрычніка 2023 года. Тады была зафіксавана лічба ў 654 гледачы, сёлета ж у сярэднім прысутнічала 1013 чалавек.
Галоўнай нечаканасцю стала першая перамога брэсцкага "Дынама", якое мінімальна абыграла "Іслач" — 1:0.
"Гомель" упэўнена абыграў "Нафтан" з лікам 2:0.
У магілёўскім дэрбі "Дняпро" атрымаў першую перамогу пасля вяртання ў Вышэйшую лігу, абыграўшы "Белшыну" — 2:1.
"Нёман" працягвае надзейна гуляць у абароне і абыграў "Мінск" — 1:0.
Разгром тура адбыўся ў Баранавічах, дзе дэбютант лігі саступіў "МЛ Віцебск" з лікам 0:4. Першы гол пасля вяртання ў Беларусь забіў Валерый Грамыка.
"Віцебск" мінімальна абыграў БАТЭ — 1:0. Гэтая перамога стала першай для Сяргея Гурэнкі над барысаўчанамі ў трэнерскай кар’еры.
"Славія" і "Арсенал" згулялі ўнічыю — 1:1.
Завяршыўся тур матчам "Тарпеда-БелАЗ" — "Дынама-Мінск", у якім мінчане перамаглі з лікам 0:1.
Па выніках тура лідар чэмпіянату не змяніўся, а барацьба ў верхняй частцы табліцы застаецца шчыльнай.
