Місія МАГАТЭ адправілася на Запарожскую АЭС
Місія МАГАТЭ адправілася на Запарожскую АЭС, напісаў у Твітары кіраўнік Міжнароднага агенцтва Рафаэль Гросі. Прыезд экспертаў на станцыю чакаецца на гэтым тыдні.
Узначальвае місію сам Гросі. Ён апублікаваў у сацсетках фота, на якім ён сам і 13 іншых спецыялістаў.
Як пішуць СМІ, місію МАГАТЭ складаюць пераважна спецыялісты з нейтральных краін: Польшчы, Літвы, Кітая, Сербіі, Албаніі, Францыі, Італіі, Іярданіі, Мексікі і Паўночнай Македоніі. Сам Гросі ў Твітары не ўдакладняе, прадстаўнікі якіх краін будуць у складзе місіі.
Запарожская АЭС і горад Энергадар знаходзяцца пад кантролем расійскіх войскаў з канца лютага. Цягам лета Расія і Украіна неаднаразова выстаўлялі ўзаемныя абвінавачанні ў абстрэле атамнай электрастанцыі. Таксама вядома, што на АЭС Расія размясціла вайсковую тэхніку.
The day has come, @IAEAorg's Support and Assistance Mission to #Zaporizhzhya (ISAMZ) is now on its way. We must protect the safety and security of #Ukraine’s and Europe’s biggest nuclear facility. Proud to lead this mission which will be in #ZNPP later this week. pic.twitter.com/tyVY7l4SrM
— Rafael MarianoGrossi (@rafaelmgrossi) August 29, 2022
