Мінскіх кіроўцаў, якія перасядуць на ровары, адораць садавіной

Мінскіх кіроўцаў, якія перасядуць на ровары, адораць садавіной

Мінскіх кіроўцаў, якія 22 верасня перасядуць на ровары, адораць садавіной. Такую акцыю плануе ДАІ Фрунзенскага раёна з нагоды глабальнага “Дня без аўтамабіля!”

Як паведамляе БЕЛТА, першым 10 аўтаўладальнікам, якія ў наступны чацвер з 10.30 па 11.00 прыедуць на ровары да цэнтральнага ўваходу ў гіпермаркет “Карона” на Кальварыйскай, 24 і спыняцца на велапаркоўцы, уручаць у якасці падарунка фруктовы набор. Пры гэтым трэба будзе паказаць пасведчанне кіроўцы і тэхпашпарт на аўто.

Адмова ад выкарыстання асабістых і карпаратыўных аўтамабіляў паспрыяе паляпшэнню гарадской экалогіі і дарожнай сітуацыі, а садавіна ў падарунак будзе дадатковым стымулам для кіроўцаў, мяркуюць у Фрунзенскай ДАІ.

Традыцыю ладзіць Дзень без аўтамабіля запачаткавалі ў Францыі 22 верасня 1997 года, а затым ініцыятыву падтрымалі іншыя еўрапейскія краіны. Беларусь далучылася да гэтай ініцыятывы 22 верасня. Мэта мерапрыемства —  звярнуць увагу грамадскасці на экалагічныя праблемы гарадоў, у тым ліку якасць атмасфернага паветра.

Апошнія навіны

Галоўнае

Выбар рэдакцыі