Мінскі падлетак пагражаў узарваць шматпавярховік у Віцебску

У міліцыю 3 лютага звярнулася 52-гадовая віцяблянка. Яна расказала, што некалькі хвілін таму на яе мабільнік затэлефанаваў невядомы і паведаміў, што ў будынку, дзе яна знаходзіцца, закладзеная бомба, паведамляе МУС.

Таксама невядомы сказаў, што неўзабаве шматпавярхоўка, дзе размяшчаюцца шматлікія офісныя памяшканні, выбухне. Ён параіў людзям, якія знаходзяцца ў ёй, тэрмінова ратавацца.

Аднак у будынку ніякіх бомбаў не знайшлі. Ілжэмінёра хутка выявілі — аказалася, што гэта 15-гадовы мінчук.

Цяпер падлетку пагражае крымінальная справа паводле арт. 340 Крымінальнага кодэкса (заведама ілжывае паведамленні пра небяспеку).