Мінск наведае віцэ-прэзідэнт Венесуэлы

Беларусь наведае віцэ-прэзідэнт Венесуэлы Рамон Карысалес. Ён узначаліць венесуэльскую частку сумеснай з Беларуссю камісіі высокага ўзроўню, пасяджэнне якой пройдзе ў Мінску 17 жніўня. Падчас пасяджэнняў плануецца абмеркаваць шляхі наступнага ўмацавання міждзяржаўнага дыялогу на ўсіх узроўнях, паведамляе "Інтэрфакс-Захад".

У прыватнасці, будуць разгледжаныя пытанні аб ходзе рэалізацыі праектаў гандлёва-эканамічнага і навукова-тэхнічнага супрацоўніцтва, аб развіцці дамоўна-прававой базы двухбаковага супрацоўніцтва.

Дэлегацыю Беларусі на перамовах узначаліць памочнік прэзідэнта па адмысловых даручэннях Віктар Шэйман.