Мінімальны заробак з 1 студзеня вырасце на 19%
Памер мінімальнага заробку з Новага года складзе 1 млн 660 тысяч рублёў.
Гэтае рашэнне змяшчаецца ў пастанове ўрада N1076, паведамляе interfax.by.
Акрамя таго, дакументам вызначаны памер гадзіннага мінімальнага заробку — 9890 рублёў (крыху больш за 1 долар).
Дарэчы, з 1 студзеня 2013 года памер мінімальнага заробку складае 1 млн 395 тысяч рублёў, гадзіннага мінімальнага заробку — 8340 рублёў.
Памеры мінімальнага заробку (месячнага і гадзіннага) усталёўваюцца штогод зыходзячы з запатрабаванняў работніка ў матэрыяльных выгодах і паслугах, эканамічных магчымасцяў рэспубліканскага і мясцовых бюджэтаў, а таксама наймальнікаў.
Фота — aif.by
