Мінгандлю дазволіла працягнуць працу крамам сеткі MART INN
![Мінгандлю дазволіла працягнуць працу крамам сеткі MART INN](/sites/default/files/styles/gallery_main/public/2023-08/000021158005bigbelta.jpg.webp?itok=8l1k3k81)
Міністэрства гандлю Беларусі дазволіла працягнуць працу крамам сеткі MART INN. Адпаведны дакумент атрымала замежнае таварыства з абмежаванай адказнасцю "Март Ін Фуд", паведамляе БЕЛТА. Таму крамы працягваюць працаваць.
Як паведамляла Еўрарадыё, у пачатку снежня Міністэрства гандлю Беларусі заявіла пра выяўленыя ў сетцы MART INN сістэматычныя парушэнні парадку разлікаў з пастаўшчыкамі мяса, малака, хлебапрадуктаў, а таксама факты рэалізацыі пратэрмінаванай прадукцыі, невыкананне асартыментных пералікаў. У выніку, было вырашана з 16 снежня на 90 дзён прыпыніць працу 30 крамаў MART INN (гл. відэа). Аднак, як можна меркаваць, усе парушэнні былі выпраўленыя, таму Мінгандлю і адмяніла ранейшае рашэнне.
Фота: БЕЛТА
![Мінгандлю дазволіла працягнуць працу крамам сеткі MART INN](/sites/default/files/paragraphs/image/000021334711big.jpg)