Мінчане з праблемамі слыху могуць выклікаць таксоўку праз Skype
![Мінчане з праблемамі слыху могуць выклікаць таксоўку праз Skype](/sites/default/files/styles/gallery_main/public/2023-08/skype.png.webp?itok=4h9rPlKO)
З 2 верасня ў сталіцы адкрываецца Цэнтр прыёму-перадачы паведамленняў ў экстраныя службы ад людзей, якія слаба чуюць. Такія людзі могуць звяртацца ў цэнтр пры дапамозе IP-тэлефаніі Скайп на 9191-belog.org , дасылаць запыты факсам, праз СМС на кароткі нумар 9191, а таксама праз WhatsApp і Viber — таксама на нумар 9191.
Прымаць паведамленні будуць сурдаперакладчыкі, якія будуць перадаваць інфармацыю ў адпаведныя службы . Праз такую службу можна будзе выклікаць таксоўку, або звязацца з хуткай, паведамляюць у Мінгарвыканкаме.
У штаце цэнтра будуць кругласутачна працаваць чатыры сурдаперакладчыкі. На стварэнне такой сацыяльна-пасярэдніцкай паслугі з мінскага гарадскога бюджэту выдзеляць каля 6,5 тысячы рублёў.