Як адрэагавала Мінздароўя? Яно звярнулася па каментар да таго ж Дзядзько. "Гаворка ішла аб агульнай летальнасці ў рэанімацыях устаноў аховы здароўя Мінска, якія былі задзейнічаны ў аказанні медыцынскай дапамогі пацыентам пульманалагічнага профілю, — кажа ён. — Туды ўключаны не толькі выпадкі пацверджанай інфекцыі COVID-19, але і тыя верагодныя выпадкі, калі ў працэсе ўдакладняючай дыягностыкі дыягназ каранавірус быў зняты і былі выяўлены пнеўманіі другой этыялогіі...".
Аляксандр Дзядзько таксама заявіў, што статыстыка прыведзена "за ўвесь час працы... пачынаючы з сакавіка...". Ён нагадвае, што ў афіцыйную статыстыку ўключаюцца пацыенты "пасля патамарфалагічнага пацверджання дыягназу", а гэта можа займаць 7-14 дзён. "Таму частка пацыентаў, якія памерлі ў красавіку, былі ўключаны ў статыстыку ў траўні", — цытуе словы доктара медыцынскіх навук прэс-служба Міністэрства аховы здароўя.
"Лічбы былі прыведзены для спецыялістаў, каб параўнаць з летальнасцю іншых краін, — працягвае Дзядзько. — Не лішнім будзе нагадаць, што палова пацыентаў з выяўленай інфекцыяй COVID-19, знаходзіцца менавіта ў Мінску".
Аднак, калі на вебінары Дзядзько кажа, што "ў нас лятальнасць склала 27%, што супастаўна з тымі лічбамі, якія прадставілі замежныя спецыялісты", ён параўноўвае яе з лятальнасцю не ў нейкіх агульных рэанімацыях пульмагалагічнага профіля, а ў шасці спецыялізаваных кавід-шпіталях Ліёна. Там лятальнасць склала 26%. На гэтым фоне сцвярджэнне прэс-службы Мінаховы здароўя пра тое, што на слайдзе з беларускай статыстыкай ідзе гаворка пра агульную лятальнасць у рэанімацыях Мінска, дзе лечаць пацыентаў пульманалагічнага профілю, выглядае даволі дзіўна. Навошта доктар параўноўвае звычайныя мінскія рэанімацыі з кавіднымі шпіталямі Ліёна? Да таго ж, вебінар быў прысвечаны менавіта COVID-19.
Відэа вебінара ўжо недаступнае.
