Міліцыя знайшла "мінёра", які "замініраваў" Палескі ўніверсітэт

Міліцыя знайшла "мінёра", які "замініраваў" Палескі ўніверсітэт

Міліцыя вылічыла чалавека, які стаў прычынай масавай эвакуацыі з Палескага дзяржаўнага ўніверсітэта, піша sb.by.

Як паведамляла Еўрарадыё, 24 студзеня з будынка ПалесДУ эвакуявалі 210 чалавек. Нагодай стала паведамленне бібліятэкаркі, што прынтар, падключанага да ўніверсітэцкай сеткі, надрукаваў звесткі пра бомбу ў адным з кабінетаў.

Спецыялісты чатыры гадзіны правяралі будынак і высветлілі, што выбуховага прыстасавання ў будынку няма.

Неўзабаве міліцыя вылічыла і "мінёра". Гэта 23-гадовы супрацоўнік універсітэта. Цяпер з ім працуюць супрацоўнікі крымінальнага вышуку Пінскага ГАУС. Пінчук кажа, што хацеў адправіць улётку калегу, каб разыграць яго, але тэкст пайшоў не туды.

Па факце вядзецца далейшая праверка.

Апошнія навіны

Галоўнае

Выбар рэдакцыі