Вы тут

Мікалая Лазавіка пахавалі на Паўночных могілках Мінска

7 лістапада ў Мінску развіталіся з былым сакратаром Цэнтрвыбаркаму Мікалаем Лазавіком. Ён памёр 5 лістапада на 66-м годзе жыцця.

Лазавік больш за 15 гадоў працаваў сакратаром Цэнтральнай выбарчай камісіі. У кастрычніку 2016 года чыноўнік пайшоў у адстаўку па стане здароўя.

Праводзіць яго ў апошні шлях сабраліся не толькі сваякі, але і высокапастаўленыя чыноўнікі, паведамляе тэлеканал СТВ.

У развітальным слове пра Лазавіка цёпла згадала старшыня ЦВК Лідзія Ярмошына:

Ярмошына: "Калі ён прыйшоў, я ніводнай хвіліны за гэтыя 16 гадоў не пашкадавала пра зробленую прапанову. Гэта былі не проста гады працы, а гады сяброўства. Ён не проста ўліўся ў калектыў, ён яго ствараў. Душой нашага калектыву быў менавіта Мікалай Іванавіч. І калі я была фармальным лідарам, то ён увасабляў нейкія агульначалавечыя, маральныя каштоўнасці".

Развітацца з сакратаром ЦВК прыйшлі таксама міністр інфармацыі Лілія Ананіч, намеснік кіраўніка Адміністрацыі прэзідэнта Валерый Міцкевіч ды інш.

Пахавалі Мікалая Лазавіка на Паўночных могілках сталіцы.