"Медиа-Полесье" аштрафавалі за перадрук артыкула пра "пінскую бойню"
Суд Лунінецкага раёна аштрафаваў выданне "Медиа-Полесье" на 5771 рубель. Як паведамляе рэдакцыя, нагодай стаў артыкул пра "пінскую бойню", перадрукаваны з аднаго з агульнабеларускіх парталаў.
"З 200 магчымых базавых велічынь штрафу, прадугледжаных інкрымінаваным нам артыкулам, суддзя С. Братанава прысудзіла 199 базавых — 5771 рубель. Гэта больш чым месячны фонд заработнай платы прадпрыемства", — гаворыцца ў рэдакцыйным артыкуле.
Адзначаецца, што для першакрыніцы негатыўных наступстваў за публікацыю не было.
