Мастацтва выцінанкі ў Беларусі атрымае статус гісторыка-культурнай каштоўнасці

Мастацтва выцінанкі атрымае статус нематэрыяльнай гісторыка-культурнай каштоўнасці Беларусі. Такое рашэнне было прынятае на пасяджэнні Беларускай рэспубліканскай навукова-метадычнай рады па пытаннях гісторыка-культурнай спадчыны, перадае БЕЛТА. 

Пасля адпаведнай пастановы Міністэрства культуры выцінанку ўключаць у Дзяржаўны спіс гісторыка-культурных каштоўнасцяў.

Выцінанка — мастацтва выразання карункаў з белай і каляровай паперы. У народным побыце беларусаў яно распаўсюдзілася ў сярэдзіне ХІХ стагоддзя. Выцінанкамі аздаблялі хаты. Аднавілася яна напрыканцы ХХ стагоддзя як від дэкаратыўна-ўжытковага мастацтва. 

Спецыялісты адзначаюць, што выцінанка сустракаецца на ўсёй тэрыторыі краіны. 

На 2021 год Мінкульт плануе падрыхтаваць дакументы, каб унесці мастацтва выцінанкі ў Спіс нематэрыяльнай культурнай спадчыны ЮНЕСКА.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.