Маладафронтаўцы развесілі па Мінску партрэты Змітра Дашкевіча
Партрэты з інфармацыяй пра зняволенага кіраўніка незарэгістраванай арганізацыі “Малады фронт” Змітра Дашкевіча з’явіліся ў выходныя ў розных раёнах Мінска.
Такім чынам яго паплечнікі спрабуюць звярнуць увагу грамадзянаў да праблемы палітвязняў у Беларусі. 15 лютага Зміцер Дашкевіч пачаў знаёміцца з матэрыяламі крымінальнай справы супраць яго, паведамляе Радыё Свабода.
Змітра Дашкевіча затрымалі 17 снежня, за два дні да прэзідэнцкіх выбараў паводле абвінавачання ў злосным хуліганстве.
Дашкевічу выставілі абвінавачанне ў злосным хуліганстве — нібыта разам з актывістам "Маладога фронту" Эдуардам Лобавым ён напаў і збіў двух мінчукоў.
