Мадура абмовіўся: "Яны спекулююць і крадуць, як і мы"
У непрыемную гісторыю патрапіў венесуэльскі прэзідэнт.
Нікалас Мадура зрабіў чарговую публічную абмоўку. Ён гаварыў пра няпростую сітуацыю ў гандлёвай сістэме Венесуэлы, у сувязі з чым ім нядаўна быў падпісаны закон аб кантролі над цэнаўтварэннем.
"Хачу сказаць, увага маленькім і сярэднім гандлярам нашай краіны, якіх вы ведаеце як ахвяраў капіталу, капіталістаў, якія спекулююць і крадуць, як і мы...", — цытуе словы Мадуры РІА "Новости".
Заява венесуэльскага прэзідэнта выклікала вялізную хвалю каментароў і жартаў у сацыяльных сетках. Хаця ўсе і разумеюць, што Мадура проста абмовіўся.
Фота — AFP
