Маці адваката Дзмітрыя Лаеўскага звальняюць з юрфака БДУ
Беларускі дзяржаўны ўніверсітэт з 17 красавіка не працягвае кантракт з выкладчыцай грамадзянскага права юрыдычнага факультэта Аленай Лаеўскай.
Як паведамляе ТГ-канал "Юрфак за праўду", сёння Алена Лаеўская правяла на факультэце свае апошнія пары.
Выкладчыца мае 22-гадовы стаж працы ў БДУ, у яе больш за 150 навуковых публікацый.
Сын Алены Лаеўскай — вядомы адвакат Дзмітрый Лаеўскі. Ён абараняе ў судзе інтарэсы экс-прэтэндэнта на прэзідэнцкую пасаду Віктара Бабарыкі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
