“Маці 328” прыйшлі да дэпутатаў у наручніках (відэа)
![“Матери 328” пришли к депутатам в наручниках (видео)](/sites/default/files/styles/gallery_main/public/2023-08/nar1.jpg.webp?itok=iHeBdnwv)
Маці асуджаных па “наркаманскім” артыкуле 328 напісалі ліст да Лукашэнкі з просьбай прымяніць да зняволеных “Акт гуманізацыі“, зменшыць тэрміны на палову і даць “тысячам юнакам і дзяўчатам, мужчынам і жанчынам шанец на нармальнае жыццё і магчымасць прыносіць карысць сваёй краіне“.
![“Матери 328” пришли к депутатам в наручниках (видео)](/sites/default/files/paragraphs/image/dscn9891.jpg)
“Мы супраць наркотыкаў. Усёй душой разумеем, якое гэта зло. Але дробны распаўсюд, побытавы збыт, захоўванне, ужыванне, здзейсненыя ўнутры краіны, не звязаныя з буйной кантрабандай. За наркотыкі сядзяць тысячы зняволеных. Турма адвучыць іх жыць у соцыуме і пасля вызвалення можа штурхнуць на новыя злачынствы“, — пішуць яны ў лісце да Лукашэнкі.
4 чэрвеня некалькі маці прыйшлі ў Палату прадстаўнікоў, каб абмеркаваць з дэпутатамі магчымыя змены ў заканадаўстве. Каб падтрымаць іх, ля ўвахода ў будынак сабралася каля пяцідзесяці чалавек. У некаторых актывістак былі пластмасавыя наручнікі.
![“Матери 328” пришли к депутатам в наручниках (видео)](/sites/default/files/paragraphs/image/nar2.jpg)
“Гэтай акцыяй мы хацелі паказаць, што нашы сэрцы скаваныя менавіта наручнікамі — за боль нашых дзяцей, — кажа адна з “Маці 328” Алена Кузьміна. — Мы просім дэпутатаў, якія прапануюць нейкія змены ў заканадаўстве, улічыць нашы просьбы, асабліва звярнуць увагу на высокія тэрміны, якія сёння прымяняюцца да асуджаных па чацвёртай частцы артыкула“.