Мабільныя аператары абавязаны перадаваць у КДК даныя пра падазроных абанентаў

У Беларусі мабільныя аператары цяпер могуць замарожваць і блакаваць падазроных абанентаў. А інфармацыю пра іх абавязаныя перадаваць ў фінансавы маніторынг КДК, піша infobank.by. Гэта замацавана пастановай Міністэрства сувязі і інфарматызацыі.

Што лічыцца падазроным? Вось вам некалькі прыкладаў:

■ вяртанне абаненту нявыкарыстанага астатку грашовых сродкаў;
■ празмерная заклапочанасць ўдзельніка фінансавай аперацыі пытаннямі прыватнасці;
■ неабгрунтаваная паспешнасць у правядзенні фінансавай аперацыі, на якой настойвае яе ўдзельнік.

Атрымліваецца, што ўлады хочуць кантраляваць кожнае "нетыповае" папаўненне рахунку кліентаў беларускіх сотавых аператараў.