Лукашэнка: Праблемная сітуацыя ў эканоміцы нармалізуецца (відэа)
Па яго словах, за тыдзень сітуацыя памянялася да лепшага.
26 снежня кіраўнік Беларусі праводзіць нараду па актуальных пытаннях эканамічнага развіцця краіны, перадае БЕЛТА. Падчас нарады ён заявіў, што сітуацыя ў эканоміцы краіны нармалізуецца.
"Час, у які мы праводзім гэта нараду, не дужа драматычны. Больш за тое, можна сказаць, што сітуацыя па тых праблемных пытаннях, якія так востра стаялі яшчэ тыдзень таму назад, складваецца нармальна", — заявіў Аляксандр Лукашэнка.
Нагадаем, што ў першай палове снежня ён правёў некалькі нарадаў, прысвечаных забароне паставак беларускага харчавання ў Расію. Тады пад забарону трапілі больш за 20 беларускіх прадпрыемстваў. На цяперашні момант больш за палову з іх вярнуліся на расійскі рынак.