Лукашэнка запрасіў Пуціна на хакейны чэмпіянат свету: "Калі вы рызыкнеце"
Такія ж запрашэнні атрымалі і іншыя кіраўнікі дзяржаваў СНД.
Аляксандр Лукашэнка заявіў на прэс-канферэнцыі па выніках паседжання Савета кіраўнікоў дзяржаваў СНД, што хацеў бы бачыць іх на сусветным першынстве, якое ўпершыню пройдзе ў Беларусі ў 2014 годзе.
"Яшчэ раз хачу падзякаваць маім калегам за гэты візіт у Мінск. — цытуе словы Аляксандра Лукашэнкі "Интерфакс-Запад". — Спадзяюся ў хуткім часе зноў вітаць у нашай сталіцы. Хаця б на матчах хакейнага чэмпіянату".
"Калі вы рызыкнеце і захочаце прыехаць да нас", — дадаў кіраўнік Беларусі, звяртаючыся да Уладзіміра Пуціна і іншых кіраўнікоў.
На саміце ў Мінску Пуцін падкалоў Лукашэнку (відэа)
На саміце ў Мінску Лукашэнка памылкова заняў месца Пуціна
Фота — ria.ru
