Лукашэнка: Захад дыктатарам як лічыў, так і лічыць, толькі не гаворыць
Кіраўнік Беларусі сёння праводзіць прэс-канферэнцыю для расійскіх рэгіянальных СМІ. Мерапрыемства праходзіць у Нацыянальнай бібліятэцы ў Мінску.
Адказваючы на пытанне пра пацяпленне адносінаў Беларусі з Захадам, Аляксандр Лукашэнка адзначыў:
"Ніколі Лукашэнку там не любілі і не палюбяць. Такі Лукашэнка Захаду не патрэбны. Амерыканцам патрэбныя такія, як Яцанюк, Турчынаў ці Парашэнка... Я стаю за незалежнасць сваёй дзяржавы, калі яна ўжо стварылася. У гэтых беларусаў павінен быць уласны дом".
Паводле слоў Лукашэнкі, заходнікі пастаянна бывалі ў Беларусі. "На хакейны чэмпіянат свету нават нашы ворагі прыехалі. Толькі дваіх не пусцілі, якія абражалі народ. А так усе прыехалі.", — сказаў Лукашэнка.
Ён адзначыў, што быў патрэбны нейкі штуршок, каб некаторыя палітыкі на Захадзе сталі мяняць пазіцыю. На іх паўплывала сітуацыя ва Украіне.
"Дыктатарам як лічылі, так і лічаць, толькі не гавораць", — з крыўдай заявіў Аляксандр Лукашэнка.
