Лукашэнка за месяц пасадзіў у Еўропе і Азіі чатыры дрэвы (фота, відэа)

У сераду Аляксандр Лукашэнка і Ільхам Аліеў адкрылі новы будынак беларускай амбасады ў Баку. На яе тэрыторыі яны пасадзілі аліўкавыя дрэвы.

Адзначым, што за апошні месяц гэта ўжо чацвёртае дрэва, якое Лукашэнка пасадзіў на абшарах Еўразіі пад аб'ектывамі тэлекамер. 23 кастрычніка кіраўнік Беларусі і трое яго сыноў пасадзілі ёлку на Алеі ганаровых гасцей каля Палаца Незалежнасці ў Мінску.

31 кастрычніка Лукашэнка там жа пасадзіў ёлку разам з прэзідэнтам Эквадора Рафаэлем Карэа Дэльгада.

5 лістапада падчас візіту ў Туркменістан кіраўнік Беларусі асабіста пасадзіў дрэва на Алеі ганаровых гасцей каля манумента Канстытуцыі ў Ашхабадзе.

Фота — БЕЛТА, ont.by