Бацькам пагражаюць СНС: як абараніцца ад ціску школы. Парады юрыста
![Што рабіць, калі дзіцяці хочуць паставіць на СНС?](/sites/default/files/styles/gallery_main/public/2024-09/19.jpg_1.jpg.webp?itok=gFvk9InZ)
Што рабіць, калі дзіцяці хочуць паставіць на СНС? / @rubanau_collage
Беларускія школы — гэта не заўсёды пра адукацыю. Часам гэта пра запалохванні і нават пагрозы вучням і бацькам.
Напрыклад, у інтэрнэт-чатах можна сустрэць каментары бацькоў з пытаннямі аб тым, што рабіць, калі адміністрацыя школы хоча неправамерна паставіць дзіця на ўлік са статусам сацыяльна-небяспечнага становішча (СНС).
Еўрарадыё запыталася ў юрыста, што рабіць бацькам у такіх сітуацыях, як абараніць правы дзіцяці і ці варта звяртацца да спецыяліста.
Як гэта адбываецца?
Юрыст Дзмітрый (імя змененае), які пагаварыў з Еўрарадыё на ўмовах ананімнасці, расказаў, што механізм выяўлення неўладкаваных дзяцей і дапамогі такім сем'ям існуе не толькі ў Беларусі, але і ва ўсіх цывілізаваных краінах.
— Часта дзякуючы гэтаму механізму многія сем'і атрымліваюць неабходную падтрымку. Але на практыцы здараюцца злоўжыванні, калі СНС — гэта рычаг запалохвання сям'і. Такія кейсы сустракаюцца вельмі часта.
Паводле беларускіх законаў, каб паставіць дзіця на такі ўлік, трэба прайсці некалькі этапаў. Але спачатку пра гэта павінен хтосьці прасігналізаваць.
— Спачатку інфармацыя паступае ў мясцовы аддзел адукацыі. Потым, не пазней аднаго працоўнага дня, справа накіроўваецца ва ўстанову, дзе вучыцца дзіця. Далей праходзіць сацрасследаванне, якое ўключае агляд жыллёвых умоў і збор інфармацыі пра сям'ю. Справу могуць як спыніць, так і адправіць далей — у Каардынацыйны савет [аб прызнанні непаўналетніх асобамі, якія знаходзяцца ў СНС], калі маюцца адпаведныя крытэры. І ўжо там, на працягу 14 дзён павінна адбыцца пасяджэнне, дзе вывучаюцца ўсе дакументы і выслухоўваюцца ўсе ўдзельнікі канфлікту, у тым ліку бацькі. Па выніках пасяджэння Каардынацыйны савет прымае рашэнне:
- Прызнаць дзіця ў стане СНС і прызначыць мерапрыемствы, абавязковыя для выканання бацькамі, дзяржорганамі ці іншымі арганізацыямі;
- Альбо рэкамендаваць бацькам на працягу 3 рабочых дзён звярнуцца за аказаннем сацыяльных паслуг па ліквідацыі цяжкай жыццёвай сітуацыі.
"Задаваць пытанні, чытаць дакументы"
На думку спецыяліста, першае, што павінны зрабіць бацькі, калі даведаліся аб правядзенні сацрасследавання — удакладніць у правяральшчыкаў, па якім менавіта факце праводзіцца расследаванне.
![Родителям угрожают СОП: как защититься от давления школы. Советы юриста](/sites/default/files/styles/default_image_paragraph/public/paragraphs/image/siblings-3646046_1280.jpg.webp?itok=8fqL-pJP)
![Родителям угрожают СОП: как защититься от давления школы. Советы юриста](/sites/default/files/styles/default_image_paragraph/public/paragraphs/image/school-2207393_1280.jpg.webp?itok=dEkPBmeG)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.