Расійскае СМІ выдаліла артыкул пра Лукашэнку пасля скаргі Дзерманта
![Аляксандр Лукашэнка](/sites/default/files/styles/gallery_main/public/2024-08/luka-3008_1.jpg.webp?itok=PfaVdsxX)
Аляксандр Лукашэнка / прэс-служба Лукашэнкі
Расійскае выданне "Московский комсомолец" пасля скаргі беларускага прапагандыста Аляксея Дзерманта выдаліла свой артыкул пра Лукашэнку.
Выданне апублікавала артыкул да 70-годдзя Лукашэнкі. У ім аналізаваліся прычыны яго палітычнага доўгажыхарства. Большасць экспертаў сышліся на меркаванні, што прычыны — у палітычнай лаяльнасці Крамлю. Артыкул з загалоўкам "Аляксандр Лукашэнка будуе Савецкі Саюз, які мы страцілі" выйшаў 29 жніўня.
Сярод іншых экспертаў быў і Дзермант, які нахвальваў Лукашэнку. Пасля выхаду артыкула ён абурыўся. У сваім тг-канале Дзермант заявіў, што гэта "не проста некарэктны, але зусім абразлівы матэрыял". Паводле яго, "Московский комсомолец" абразіў не толькі Лукашэнку, а ўвесь беларускі народ.
"Я не хачу фігураваць для прыкрыцця антыбеларускіх выпадаў у адным матэрыяле з маскоўскімі лібераламі, якія разважаюць пра нашу краіну праз губу і з адкрытым ворагам нашага Саюза, шкоднікам і фігурантам крымінальнай справы, заведзенай на яго ў Беларусі і ў Расіі. Больш ніякіх каментароў я гэтаму выданню не даю", — піша Дзермант.
30 жніўня "Маскоўскі камсамолец" зняў гэты тэкст, што з задавальненнем адзначыў Дзермант.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.