Лукашэнка ўзнагародзіў экіпаж самалёта, дзе ляцеў грузінскі "ўгоншчык"
Кіраўнік Беларусі ўзнагародзіў 93 чалавекі, якія прадстаўляюць розныя сферы дзейнасці.
У ліку ўзнагароджаных апынуўся экіпаж самалёта кампаніі "Белавія", на якім затрымалі грузінскага грамадзяніна Гелу Сахелашвілі. Нагадаем, што 10 чэрвеня паведамлялася пра спробу ўгону самалёта Кутаісі-Мінск. Грузін Гела Сахелашвілі напісаў запіску, патрабуючы ляцець у адзін з аэрапортаў Еўрасаюза. Лётчыкі пасадзілі самалёт у Мінску. Пасля перамоваў з сілавікамі "паветраны тэрарыст" здаўся.
Камандзір самалёта CRJ-100 Аляксандр Букрэеў узнагароджаны медалём "За адвагу". Такую ж узнагароду атрымала бортправадніца Алена Мурзак, паведамляе прэс-служба кіраўніка Беларусі.
Нагадаем, што Еўрарадыё брала інтэрв'ю ў Букрэева непасрэдна пасля гучных падзеяў.
