Грузін, які сядзеў у Беларусі за жарт пра бомбу: Усё было справядліва і выдатна

Грузін, які сядзеў у Беларусі за жарт пра бомбу: Усё было справядліва і выдатна

Як паведамляе Следчы камітэт, у Нацыянальным аэрапорце 7 ліпеня за словы “тратыл там” затрымалі расіянку Марыю Рымар. Крымінальная справа распачата з нагоды загадзя лжывага паведамлення пра небяспеку (частка 1 артыкула 340 крымінальнага кодэкса). 

Грузін, які сядзеў у Беларусі за жарт пра бомбу: Усё было справядліва і выдатна

Жанчына змешчаная пад варту. Але ў Следчым камітэце кажуць, што пасля выстаўлення абвінавачванняў Рымар могуць выпусціць з СІЗА.

Ступень пакарання па частцы 1 артыкула 340 вагаецца ад штрафу да пазбаўлення волі тэрмінам на пяць гадоў.

На расіянку распачалі крымінальную справу за жарт у мінскім аэрапорце

Сёлета толькі ў Нацыянальным аэрапорце за словы  пра выбухоўку затрымалі траіх пасажыраў. Рымар — як мінімум чацвёртая. У плане такіх затрыманняў беларускі аэрапорт, бадай, галоўны ньюсмэйкер у Еўропе.

Самая знакамітая гісторыя тут здарылася не сёлета, а два гады таму. Героя таго здарэння, грузіна Гелу Сахелашвілі, зусім нядаўна адпусцілі на волю і з ім з’явілася магчымасць пагутарыць.

 

Захацеў да Папы Рымскага, перадаў запіску пілоту…

 

“Усё было справядліва, усё было выдатна і празрыста, разумееш? Я ўдзячны вашай дзяржаве, вашаму народу беларускаму. І за СІЗА, і за псіхіятрычны дыспансер, і за суд, і за зону. Усё было класна, усё было акуратна, на вышэйшым узроўні. Я ўсім ўдзячны, дарагі!” — выказваецца Сахелашвілі Еўрарадыё.

Акалічнасці свайго ўчынку ў самалёце ён катэгарычна не хоча ўзгадваць.

На пытанне, ці не лічыць ён сваё трохгадовае пакаранне за няўдалы жарт негуманным, Сахелашвілі адказвае так: “Рай і гуманнасць існуюць толькі наверсе — на небе…”

Грузін, які сядзеў у Беларусі за жарт пра бомбу: Усё было справядліва і выдатна

А гісторыя была такой. 10 чэрвеня 2014 года Сахелашвілі ляцеў у Мінск з Кутаісі на заробкі. Перад пасадкай у самалёт ён моцна падпіў. Падчас палёту мужчына папрасіў да сябе сцюардэсу і перадаў ёй запіску, якую трактавалі як пагрозу ўзарваць паветранае судна.

Прадстаўнікі Грузінскага пасольства расказалі Еўрарадыё пра некаторыя акалічнасці. Сахелашвілі некалі даўно ездзіў на заробкі ў Заходнюю Еўропу, і ў яго засталася крыўда на працадаўцаў. У самалёце “Белавіі” нецвярозы і тэмпераментны мужчына прыгадаў даўнюю крыўду. Ён захацеў паскардзіцца Папе Рымскаму. Таму і напісаў правакацыйную запіску камандзіру судна, патрабаваў, каб самалёт развярнулі ў Рым. Жарт гэта быў ці не, ніхто разбірацца не стаў.

Самалёт прызямліўся ў Мінску. Прадстаўнікі КДБ увайшлі ў салон і блізу 30 хвілін міла гутарылі з Сахелашвілі. А потым гэтак жа мірна падняліся і вывелі яго. У студзені 2015 года Сахелашвілі далі тры гады пазбаўлення волі за ўгон паветранага судна" (артыкул 311, частка 2).  

Асуджанага выпусцілі датэрмінова — праз два гады пасля здарэння. Ён вярнуўся ў родную Тэржалу, схуднелы, але…без крыўды на беларусаў.

Як паводзіць сябе ў беларускім аэрапорце, каб не абвінавацілі па артыкуле 340

 

У Нацыянальным аэрапорце “Мінск” Еўрарадыё патлумачылі, што на іх афіцыйным сайце ёсць раздзел “Несапраўдная пагроза”. Там намеснік начальніка Мінскага АУС на паветраным транспарце палкоўнік Ваўчок тлумачыць наступствы жартаў пра “бамбаванне” аэрапорту. У тэксце прыводзіцца артыкул 340 крымінальнага кодэкса, а таксама згадваецца пра тое, што, як правіла, такія паведамленні аказваюцца жартамі. Аднак да праверкі тут жа падключаецца шэраг спецслужбаў, чыю працу трэба аплачваць.

Грузін, які сядзеў у Беларусі за жарт пра бомбу: Усё было справядліва і выдатна
Сяброўкі Марыі Рымар абмяркоўваюць сваю версію яе затрымання ў аэрапорце

Калі верыць адвакату Марыі Рымар і яе сяброўцы, якая бачыла момант затрымання, вялікай фінансавай шкоды расійская грамадзянка Нацыянальнаму аэрапорту не нанесла. Верагодна, яе пакаранне не будзе занадта жорсткім.

Аднак гэтая гісторыя ў чарговы раз папярэджвае пасажыраў: у беларускім аэрапорце лепш увогуле забыцца пра такія словы, як “угон”, “тратыл”, “бомба” і іншыя ў такім жа духу. Ці ўвогуле на некалькі гадзін да пасадкі ў самалёт стаць нямым.

Апошнія навіны

Галоўнае

Выбар рэдакцыі