Лукашэнка сабраў у Палацы Незалежнасці ўсё кіраўніцтва краіны
21 кастрычніка Аляксандр Лукашэнка сабраў у Палацы Незалежнасці ў Мінску ўсё кіраўніцтва краіны, паведамляе тэлеграм-канал Пул Первого. На нарадзе знаходзяцца прэм'ер-міністр, кіраўнікі Нацыянальнага сходу, Адміністрацыі прэзідэнта, Вярхоўнага суда, сілавых структур, кіраўнікі абласцей — агулам больш за 20 чалавек.
Анансуецца, што будуць абмяркоўвацца "самыя гарачыя тэмы".
Як паведамляе БЕЛТА, разглядаюцца тры блокі пытанняў: эканоміка і фінансы, палітыка і грамадская бяспека (асноўны дакладчык па апошнім пытанні — дзяржаўны сакратар Савета бяспекі Валерый Вакульчык).
У Палацы Незалежнасці / @pul_1
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
