Лукашэнка не змог дамагчыся кампенсацыі за расійскі падатковы манеўр
Аляксандр Лукашэнка і Уладзімір Пуцін на перамовах 25 снежня. Фота: kremlin.ru
На перамовах, што прайшлі 25 снежня ў Маскве, Аляксандр Лукашэнка не змог дамагчыся ад Уладзіміра Пуціна дамоўленасці аб кампенсацыі за расійскі падатковы манеўр. Пра гэта сведчаць першыя вынікі перамоваў, якія агучыў першы віцэ-прэм'ер Расіі — міністр фінансаў Антон Сілуанаў.
Чыноўнік распавёў журналістам, што на перамовах была дасягнута дамоўленасць аб стварэнні працоўнай групы, якая будзе складацца з прадстаўнікоў урадаў: "Гэтая працоўная група будзе рыхтаваць прапановы па нашай далейшай інтэграцыі і вырашэнні тых надзённых пытанняў, якія турбуюць урады нашых краін".
Рабочая група "будзе выпрацоўваць прапановы як па далейшай інтэграцыі, так і па рашэнні пытанняў, якія знаходзяцца на парадку дня паміж Расіяй і Беларуссю", — дадаў Сілуанаў, адказваючы на ўдакладняючае пытанне.
Якія пытанні падымаліся на перамовах, і ці ёсць нейкія вынікі, акрамя стварэння працоўнай групы, якая працягне абмеркаванне праблемных момантаў?
"У першую чаргу мы абмяркоўвалі змены, якія ў наступным годзе будуць адбывацца ў падатковым заканадаўстве Расійскай Федэрацыі, і нашы планы па зменах у галіне падаткаабкладання ў нафтагазавым сектары. Абмяркоўваліся пытанні і нашых сумесных дзеянняў у галіне цэнаўтварэння на газ, энергарэсурсы, — цытуе Силуанова БелТА. — Дамовіліся таксама аб збліжэнні пазіцый па ўсіх гэтых напрамках".
На якую суму разлічвала Беларусь?
У сярэдзіне снежня віцэ-прэм'ер Беларусі Ігар Ляшэнка заявіў, што у 2019 годзе Мінск разлічваў атрымаць ад Расbі каля $310 мільёнаў у кошт кампенсацыі за падатковы манеўр (пры цане на нафту маркі Brent у $60 за барэль). Пытанне заставалася толькі ў механізме выканання гэтага абавязацельства расійскім бокам.
Аднак, па словах Ляшэнкі, прадстаўнікі ўрада Расіі затармазілі абмеркаванне кампенсацыі "да прыняцця прынцыповых рашэнняў у руху ў напрамку далейшай інтэграцыі Расіі і Беларусі ў рамках саюзнай дзяржавы".
У расійскім урадзе, у сваю чаргу, абверглі паведамленне аб наяўнасці нейкіх абяцанняў або абавязацельстваў аб кампенсацыі на карысць Беларусі ў сувязі з падатковым манеўрам.
