Лукашэнка абвесціў 2015 год у Беларусі Годам моладзі
Адпаведны ўказ кіраўнік дзяржавы падпісаў 16 кастрычніка.
"Дакумент прыняты ў мэтах развіцця творчага, навуковага і прафесійнага патэнцыялу моладзі, яе актыўнага прыцягнення да правядзення сацыяльна-эканамічных пераўтварэнняў у Беларусі, выхавання пачуцця патрыятызму і грамадзянскай адказнасці ў маладых грамадзян", — інфармуе прэс-служба Аляксандра Лукашэнкі.
Ураду даручана сумесна з аблвыканкамамі і Мінгарвыканкамам распрацаваць і зацвердзіць рэспубліканскі план мерапрыемстваў па правядзенні Года моладзі.
На пачатак 2014 года колькасць моладзі ва ўзросце ад 14 да 31 года ў Беларусі складала 2 млн 185 тысяч чалавек, або 23,08% агульнай колькасці насельніцтва краіны.
Фота — Коммерсант
