Літва ўручыць ноту Беларусі за магчымае забруджванне Нёмана

Напярэдадні з'явілася інфармацыя, што ў Нёмане на Гродзеншчыне назіраецца масавы замор рыбы. Як распавядала Еўрарадыё, берагі Нёмана заваленыя мёртвай рыбай на 20 км. Акрамя мёртвай рыбы бачылі нават мёртвага бабра. 

15 чэрвеня эксперты літоўскага Агенцтва аховы навакольнага асяроддзя ўзялі пробы вады ў Алітусе і Друскеніках. Першыя вынікі паказалі, што ў Нёмане крыху паніжаны, але не крытычны ўзровень кіслароду. Таксама высветлілася, што тэмпература вады 20-21 градус, што магло выклікаць зніжэнне ўтрымання кіслароду. 

Вынікі іншых аналізаў плануецца атрымаць на пачатку наступнага тыдня.