Літва спыняе супрацу з Беларуссю па бесперабойным пропуску транспарту
Мяжа з Літвой / t.me/gpkgovby
Літва спыняе ўзаемадзеянне з Беларуссю па бесперабойным пропуску транспарту праз мяжу і павелічэнні прапускной здольнасці аўтадарожных пунктаў пропуску, паведамляе Памежны камітэт Беларусі.
Гаворыцца, што Служба аховы дзяржаўнай мяжы Літвы прыняла рашэнне ў аднабаковым парадку. Літва спыняе супрацу не толькі з беларускімі памежнікамі, але і з мытнікамі.
Супраца вялася на падставе пагаднення, падпісанага бакамі 4 лістапада 2019 года.
Як распавядала Еўрарадыё, днямі Літва спыніла дзейнасць чыгуначнага пераходу Стасілас — Беняконі на мяжы з Беларуссю. Цяпер грузавыя цягнікі будуць перасякаць мяжу з Літвой толькі ў пункце Кяна.
