Літва будзе заклікаць ЕС да дзеянняў у адказ пасля прызнання ЕГУ "экстрэмістамі"
ЕГУ працуе ў Літве / Белсат
Літва закліча іншыя краіны ЕС да "адказу" на прызнанне Еўрапейскага гуманітарнага ўніверсітэта "экстрэмісцкай арганізацыяй". Пра гэта напярэдадні сустрэчы міністраў замежных спраў краін Еўрапейскага саюза заявілі ў МЗС Літвы.
"Міністр мае намер звярнуць увагу на наступствы гэтага рашэння на еўрапейскім узроўні і заклікаць ЕС да адказных дзеянняў".
Пры гэтым канкрэтна не ўдакладняецца, да якой менавіта рэакцыі Літва будзе заклікаць краіны ЕС. Гэта можа быць як "глыбокая занепакоенасць", так і падрыхтоўка дадатковых санкцый.
Нагадаем, 14 красавіка 2026 года Еўрапейскі гуманітарны ўніверсітэт быў прызнаны ў Беларусі "экстрэмісцкай арганізацыяй".
Адпаведнае рашэнне прыняў Вярхоўны суд па заяве Генеральнай пракуратуры. На тэрыторыі Беларусі забаронена дзейнасць ЕГУ, яго сімволіка і атрыбутыка.
