Латвійскім зборным забаранілі гуляць з беларусамі і расіянамі
Латвійскія хакеісты / Telegram
Латвійскім зборным забаранілі гуляць з беларусамі і расіянамі. 1 лютага Сейм Латвіі прыняў папраўкі да закона аб спорце, паведамляе Delfi.
Латвійскія зборныя не могуць сустракацца са зборнымі Беларусі і Расіі, незалежна ад таго, у якім яны заходзяцца статусе (напрыклад, у нейтральным, калі нельга выкарыстоўваць дзяржаўны сцяг). У краіне нельга праводзіць турніры па гульнявых відах спорту з удзелам спартсменаў з РБ і РФ (у тым ліку юнакоў і юніёраў).
Адзначаецца, што новаўвядзенне падкрэслівае салідарнасць Латвіі з Украінай, а таксама робіць немагчымымі ў краіне "любыя спробы Расіі ўзаконіць свае ваенныя злачынствы з дапамогай спорту".
Беларускі і расійскі спорт знаходзяцца пад абмежаваннямі з 2022 года з-за агрэсіі РФ супраць Украіны.
