Kriwi і N.R.M. сталі намінантамі на музычную прэмію Мінкульта
“Traukamurauka” этна-гурта можа стаць “Лепшым альбомам года”, а “Мроя мая” каманды Піта Паўлава прэтэндуе на званне “Лепшай беларускамоўнай песні".
Цікава, што беларускамоўная кампазіцыя стаць “Лепшай песняй года” не можа. У гэтай катэгорыі месцы занятыя песнямі Ані Шаркуновай, Аляксея Хлястова, Сашы Нема, Іны Афанасьевай ды гурта “Без Билета”. Дарэчы, апошнія разам з кампазітарам Леанідам Шырыным прэтэндуюць на перамогу ажно ў трох з 18 намінацый.
Пераможцы Нацыянальнай музычнай прэміі, якая праводзіцца тэлеканалам “СТБ” і Міністэрствам культуры, будуць аб’яўлены 16 снежня падчас вялікага канцэрту ў Палацы Рэспублікі.
Са спісам намінантаў можна пазнаёміцца на сайце “СТБ”.
