Кіраўнік кампаніі Google заявіў у Давосе, што хутка знікне інтэрнэт
На яго месца прыйдуць новыя высокатэхналагічныя прылады.
Кіраўнік кампаніі Google Эрык Шміт на Сусветным эканамічным форуме ў Давосе сказаў, што ў хуткім часе знікне інтэрнэт. На яго месца мусяць прыйсці новыя высокатэхналагічныя прылады.
На думку Шміта, у будучыні будзе "так шмат IP-адрасоў, так шмат прылад, датчыкаў, штуковін, якія вы носіце, штуковін, з якімі вы ўзаемадзейнічаеце", што карыстальнікі проста не заўважаць знікненне глабальнай сеткі, паведамляе tvrain.ru.
Нагадаем, у свеце налічваецца больш за 2,5 млрд карыстальнікаў сусветнага сеціва.
Фота: АР, Fotolia
