Кіраўнік кааператыва купіў сабе "мерсэдэс" за грошы для капрамонту
![Магілёвец купіў сабе аўто на грошы кааператыву / Могилевчанин купил себе авто на деньги кооператива / pexels.com](/sites/default/files/styles/gallery_main/public/2023-08/mers-1108.jpg.webp?itok=jaJJFHWy)
Магілёвец купіў сабе аўто на грошы кааператыва / pexels.com, ілюстрацыйнае фота
Пракуратура Магілёва накіравала ў суд крымінальную справу на 36-гадовага мясцовага жыхара. Яго вінавацяць у крадзяжы шляхам злоўжывання службовымі паўнамоцтвамі, здзейсненым у асабліва буйным памеры.
Мужчына працаваў старшынёй жыллёвага спажывецкага кааператыва. У траўні 2022-га ён зняў з дэпазітнага рахунку кааператыву грошы, прызначаныя на капітальны рамонт. Агулам праз магілёўскія банкаматы ён атрымаў на рукі больш за 62 тысячы рублёў з рахунку.
На 50 тысяч ён купіў сабе аўтамабіль прэміум-класа Mercedes-Benz GLA 2015 года выпуску.
Следства ўзяло старшыню кааператыва пад варту і канфіскавала аўтамабіль, прызнаны рэчавым доказам па крымінальнай справе.
Падчас расследавання крымінальнай справы мужчына добраахвотна часткова кампенсаваў прычыненую шкоду на 34 450 рублёў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.