КДБ РБ заявіў, што "ліквідаваў рэзідэнтуру Украіны"

КДБ РБ заявіў, што "ліквідаваў рэзідэнтуру Украіны"

КДБ РБ заявіў, што "ліквідаваў рэзідэнтуру Украіны". Яна "дзейнічала пад дыпламатычным прыкрыццём". Па версіі дзяржбяспекі Беларусі, супрацоўнікі ўкраінскага пасольства і консульства ў Брэсце займаліся агентурнай выведкай "на працягу апошніх гадоў". Сцвярджаецца, што значная частка супрацоўнікаў украінскай дыпламатычнай місіі былі "кадравымі супрацоўнікамі" ўкраінскай выведкі. Яны нібыта спрабавалі "сфармаваць разгалінаваную сетку інфарматараў з ліку грамадзян Рэспублікі Беларусь, а таксама асабіста збіралі выведвальную інфармацыю" (між іншым — пра беларускія ваенныя аб'екты).

КДБ абвінавачвае ўкраінскіх дыпламатаў у шпіянажы, аднак нічога не можа зрабіць з-за іх дыпламатычнага імунітэта. Таму былі "прынятыя вычарпальныя меры па скоўванні разведдзейнасці праціўніка і ліквідацыі рэзідэнтуры, якая дзейнічала пад дыпламатычным прыкрыццём".

Як бачым, КДБ РБ наўпрост называе ўкраінцаў "праціўнікам".

Дзяржбяспека сцвярджае, што на ўкраінскую выведку працаваў беларускі журналіст Дзяніс Івашын. Ён з вясны мінулага года знаходзіцца за кратамі.

Flowers Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі