"Касцюм не мой, купіў Цяцерын": Лукашэнка расказаў пра лыжную экіпіроўку
Лукашэнка / president.gov.by
Падчас наведвання "Мінскай лыжні" Аляксандр Лукашэнка прызнаўся, што ... ходзіць не ў сваёй вопратцы. Паводле яго слоў, лыжная экіпіроўка належыць бізнэсоўцу Сяргею Цяцерыну.
"Касцюм не мой, купіў Цяцерын. Колькі каштуе і дзе купляў, спытайце ў яго. Гадзіннік сёння не апранаў, пакажу ў наступны раз", — сказаў Лукашэнка, відавочна намякаючы на фільм Сцяпана Пуціла "Лукашэнка. Залатое дно ", у якім гаворыцца аб верагоднай маёмасці кіраўніка дзяржавы.
Сяргея Цяцерына называюць блізкім да Аляксандра Лукашэнкі чалавекам. Яны былі заўважаныя не толькі на спартыўных мерапрыемствах, але і на сельскагаспадарчых працах. Як мінімум Цяцерын збіраў з ім кавуны.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
