Калякін мяркуе, што ўлады вызваляць Статкевіча да 11 кастрычніка
Паводле слоў палітыка, мэта гэтага — легітымізацыя прэзідэнцкіх выбараў.
Старшыня Беларускай партыі левых "Справядлівы свет" Сяргей Калякін мяркуе, што ўлады вызваляць палітвязня Мікалая Статкевіча яшчэ да прэзідэнцкіх выбараў, прызначаных на 11 кастрычніка. Але гэта не звязана з тым, што фармуецца група па вылучэнні Статкевіча кандыдатам у прэзідэнты. Паводле слоў Калякіна, мэта ўладаў — легітымізацыя выбараў, а наяўнасць палітзняволеных — вялікая перашкода гэтаму, інфармуе БелаПАН.
У той жа час Сяргей Калякін лічыць бессэнсоўным фармаванне ініцыятыўнай групы Статкевіча, паколькі зарэгістраваць яе не ўдасца. "Гэта віртуальнае мерапрыемства", — кажа ён.
Нагадаем, экс-кандыдат у прэзідэнты Мікалай Статкевіч знаходзіцца за кратамі ад снежня 2010 года. Ён быў асуджаны па справе Плошчы на 6 гадоў пазбаўлення волі.
Фота: ByMedia.net
