Калоны сепаратыстаў прыбылі ў Данецк
Мясцовыя ўлады рэкамендуюць жыхарам гораду не перасоўвацца па вуліцах без гранічнай неабходнасці.
У Данецк прыбылі баевікі са Славянску і Краматорску. Пра гэта УНІАН паведамілі ў прэс-службе Данецкага гарадскога савета.
“Інфармацыя пра тое, што ў Данецк прыбылі баевікі са Славянска і Краматорска пацвярджаецца. У раёне Данецкага аэрапорту перыядычна ідзе перастрэлка”, — гаворыцца ў паведамленні.
Сепаратысты сёння ўначы вырваліся са Славянска, нягледзячы на шчыльны агонь з боку ўкраінскіх вайскоўцаў. Славянск вызвалены, над будынкам мясцовага гарсавету ўзняты ўкраінскі дзяржаўны сцяг.
Фота: REUTERS
