Каардынацыйная рада аб'явіла пра заканчэнне этапу рэфармавання
![Каардынацыйная рада істотна абнавіла свой склад / https://www.facebook.com/belrada.vision/](/sites/default/files/styles/gallery_main/public/2023-08/327769127_722624879588737_4958330357134291158_n.jpg.webp?itok=JbTh0VOs)
Каардынацыйная рада істотна абнавіла свой склад / https://www.facebook.com/belrada.vision/
Каардынацыйная рада аб'явіла пра заканчэнне этапу рэфармавання. У яе складзе засталося 15 ранейшых сябраў, да іх далучыліся 73 новыя дэлегаты ад грамадскіх арганізацый і 15 самавылучэнцаў. На сайце арганізацыі апублікаваныя прозвішчы прадстаўнікоў грамадскіх арганізацый. Пазней будзе апублікаваны спіс самавылучэнцаў.
Каардынацыйная рада піша, што "працягнецца праца па стварэнні рэгламента і рэфармаванні непасрэдна функцый арганізацыі".
Заснаванне ў Беларусі Каардынацыйнай рады адносіцца да жніўня 2020-га, калі ў нашай краіне пачаліся масавыя пратэсты супраць фальсіфікацыі вынікаў выбараў і гвалту сілавікоў. Цяпер яна дзейнічае ў замежжы. Некаторыя яе сябры, як Марыя Калеснікава, знаходзяцца ў зняволенні ў РБ.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.