Іранскі прэзідэнт прызнаў, што ўкраінскі "Боінг" збілі яго ваенныя
Месца падзення ўкраінскага самалёта / Reuters
Іран прызнаў, што збіў пасажырскі самалёт. Іранскія вайскоўцы "ненаўмысна" збілі самалёт ўкраінскага авіяперавозчыка МАУ, у выніку чаго загінулі ўсе 176 чалавек на борце. Прэзідэнт Ірана Хасан Рухані расказаў пра гэта ў сваім твітэры:
"Унутранае расследаванне Узброеных сіл прыйшло да высновы, што, на жаль, ракеты, выпушчаныя з-за чалавечай памылкі, прывялі да жудаснай катастрофы ўкраінскага самалёта і гібелі 176 нявінных людзей".
Armed Forces’ internal investigation has concluded that regrettably missiles fired due to human error caused the horrific crash of the Ukrainian plane & death of 176 innocent people.
— Hassan Rouhani (@HassanRouhani) January 11, 2020
Investigations continue to identify & prosecute this great tragedy & unforgivable mistake. #PS752
Інцыдэнт адбыўся пасля таго, як самалёт праляцеў побач з ваеннай базай, якая належыць іранскай Рэвалюцыйнай гвардыі. Самалёт быў памылкова прыняты за "варожую цэль".
Міністр замежных спраў Ірана Джавад Зарыф у сваім твітэры напісаў, што гэта "чалавечая памылка":
"Сумны дзень. Папярэднія высновы ўнутранага расследавання Узброеных сіл: чалавечая памылка падчас крызісу, выкліканага авантурызмам ЗША, прывяла да катастрофы. Мы глыбока шкадуем, прыносім прабачэнні і спачуванні нашаму народу, сем'ям ўсіх ахвяраў і іншым пацярпелым краінам".
A sad day. Preliminary conclusions of internal investigation by Armed Forces:
— Javad Zarif (@JZarif) January 11, 2020
Human error at time of crisis caused by US adventurism led to disaster
Our profound regrets, apologies and condolences to our people, to the families of all victims, and to other affected nations.
Іран раней абвяргаў здагадкі аб тым, што адна з яго ракет збіла самалёт у наваколлі Тэгерана ў сераду, 8 студзеня. Вылет самалёта PS752 "Украінскіх міжнародных авіяліній", у выніку якога загінула 176 чалавек, адбыўся праз некалькі гадзін пасля таго як Іран нанёс ракетныя ўдары па двух амерыканскім авіябазах у Іраку. Украінскі самалёт рухнуў каля аэрапорта Імама Хамейні неўзабаве пасля ўзлёту.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
