Індыя і Кітай адвялі свае войскі ў спрэчным раёне ў Гімалаях
Кітайскія і індыйскія дыпламаты здолелі вырашыць канфліктную сітуацыю.
Ужо ўвечары ў нядзелю вайсковыя аддзелы Узброеных сіл Кітая і Індыі пачалі вяртацца на свае першапачатковыя пазіцыі.
Нагадаем, канфлікт у кашмірскім рэгіёне Ладах у Гімалаях пачаўся 15 красавіка, калі кітайскі аддзел увайшоў на спрэчную тэрыторыю на 19 кіламетраў. Падобныя інцыдэнты былі і раней, аднак на гэты раз кітайцы засталіся і стварылі лагер. У гэты раён былі перакінутыя і індыйскія вайсковыя аддзелы.
У 1962 годзе ў гарах Гімалаяў ужо адбыўся памежны канфлікт паміж Кітаем і Індыяй, у якім перамаглі кітайцы.
