Хакеісты мінскага "Дынама" першы хатні матч правядуць 10 верасня

Хакеісты мінскага "Дынама" першы хатні матч чэмпіянату Кантынентальнай хакейнай лігі сезону 2018/2019 гадоў правядуць 10 верасня. У гэты дзень на "Мінск-Арэне" яны згуляюць з фінскім "Ёкерытам". Цікава, што і ў мінулым сезоне (23 жніўня 2017-га) у першым хатнім паядынку дынамаўцы таксама прымалі хакеістаў з Хельсінкі.

Рэгулярны чэмпіянат КХЛ стартуе 1 верасня. Першыя матчы мінскае "Дынама" правядзе ў гасцях. Поўны каляндар з'явіцца 5 ліпеня, інфармуе прэс-служба ХК "Дынама-Мінск".