Вы тут

ГУУС распавяло пра прычыны эвакуацыі з чатырох аб’ектаў у Мінску

Тэлеграм-канал NEXTA

Мінская міліцыя патлумачыла, з якіх прычынаў адбылася эвакуацыя адразу на чатырох сталічных аб'ектаў. Паводле інфармацыі ГУУС Мінгарвыканкама, размешчанай у Твітэры, сёння ў 13:00 у аператыўную дзяжурную частку паступіла паведамленне пра замініраванне ГЦ “Замак”, “Галілеа” і чыгуначнага вакзала. Гэта стала нагодай для эвакуацыі, узмацнення захадаў бяспекі. На месцы працуюць сапёрна-піратэхнічныя групы.

Разам з ГЦ “Галілеа” людзей эвакуявалі з аўтавакзала “Цэнтральны”, які знаходзіцца побач.

Каля 16:00 ГЗЦ “Галілеа” аднавіў сваю працу. Следчы камітэт у сваім Тэлеграм-канале паведаміў, што сапёрна-піратэхнічная група не выявіла ў будынку пагрозы выбуху.  

16:25. Пагрозы выбуху няма таксама на чыгуначным вакзале, ён аднавіў працу.