"Гульня прастолаў" устанавіла новы "пірацкі" рэкорд
За 12 гадзінаў пасля выхаду ў эфір пятага эпізоду пятага сезону праз торэнт-трэкеры яго загрузілі больш за 2 млн разоў.
Серыял "Гульня прастолаў" працягвае ўстанаўліваць новыя "пірацкія" рэкорды. На гэты раз адзначыўся выхад у эфір пятага эпізоду 5-га сезону. За 12 гадзінаў пасля гэтага праз торэнт-трэкеры яго загрузілі 2 млн 200 тысяч разоў.
Нагадаем, у красавіку ў інтэрнэт трапілі адразу чатыры эпізоды 5-га сезону. У выніку, аматары серыяла чакалі 5-ы эпізод даволі працяглы час. Цікавасць да яго была проста вялізная.
